Thursday, January 10, 2013

തിരുവാതിരക്കുളിര്‌



വന്നണഞ്ഞു ധനുമാസം
മഞ്ഞുതിരുമാതിരയും
മങ്കമാർ തുടിച്ചിറങ്ങി
പൂങ്കുളത്തിൽ പൊന്നുരുകി


നോമ്പു നോറ്റു ദേവീ നീയും
തോഴിമാരുമൊത്തു ചേർന്നു
നീർമണിത്തുകിൽ തഴുകും
ശില്പമായ് നീരാടിയെത്തി


എൻ മനോമാകന്ദം പുല്കും
മുല്ലയായ് തളിർക്കും നിന്റെ
ചാരു മന്ദഹാസം കണ്ടു
നമ്രശീർഷം കൈരവങ്ങൾ


ഈറനോടെ കൈകൾ കൂപ്പി
ദേവനെ നീ തൊഴുതിടുമ്പോൾ
ആറാടി നില്ക്കും വിഗ്രഹമോ?
മാനസം കുഴങ്ങീടുന്നൂ...!


ഇന്നു രാവിൽ പൂനിലാവിൽ
വന്നിടും നീയങ്കണത്തിൽ
നിലവിളക്കിൻ പൊൻ പ്രഭയിൽ
കൈകൾ കൊട്ടി പാടിയാടാൻ


വന്നു നീയോ പാർവ്വതിയായ്
ആടിടുന്നൂഞ്ഞാലു തന്നിൽ
ഗൂഢമായനുരാഗ കാവ്യം
പൂമിഴിയാലെഴുതി ചെമ്മേ


ജീവിതം പൂത്താലമേന്തും
സ്നേഹഗന്ധം വാർന്നൊഴുകും
ദേവി നീ മുടിയിലിന്നു ചൂടും
പാതിരാപ്പൂവിന്റെ പുണ്യം!!

29 comments:

ശ്രീ said...

ലളിതം,സുന്ദരം വരികള്‍.

പുതുവത്സരാശംസകള്‍!

റിനു.ടി .ജോണ്‍ said...

മന്ദഹാസ വിരാചിത നയനം
തിരു ചന്ദ്രഹാസ സമയം
മങ്കമാരൊത്തു കളിയാടി
തിരുവാതിര കുളിരും .

റിനു.ടി .ജോണ്‍ said...
This comment has been removed by the author.
സൗഗന്ധികം said...

ശ്രീ, റിനു, വളരെ നന്ദി .. വന്നതിനും , അഭിപ്രായം രേഖപ്പെടുത്തിയതിനും...

ശുഭാശംസകൾ.....

വിനീത് വാവ said...

good attempt..

Nawas atholy said...

നന്നായി.......ആശംസകള്‍ .....

ajith said...

ഗാനം മനോഹരമായി

Asha Chandran said...

ജീവിതം പൂത്താലമേന്തും
സ്നേഹഗന്ധം വാർന്നൊഴുകും
ദേവി നീ മുടിയിലിന്നു ചൂടും
പാതിരാപ്പൂവിന്റെ പുണ്യം!!

വരികള്‍മനോഹരമായി......

ആശംസകള്‍

സൗഗന്ധികം said...

വിനീത്, നവാസ്, അജിത് സർ, ആശ ചന്ദ്രൻ എല്ലാവർക്കും എന്റെ ഹൃദയം നിറഞ്ഞ നന്ദി...

ശുഭാശംസകൾ...

rathish babu said...

ദേവി നീ മുടിയിലിന്നു ചൂടും
പാതിരാപ്പൂവിന്റെ പുണ്യം!!

.ആശംസകള്‍

സൗഗന്ധികം said...

നന്ദി സർ...

ശുഭാശംസകൾ......

പ്രയാണ്‍ said...

ഇങ്ങിനെയൊന്ന് പാടിയിട്ട് കാലങ്ങളായി....നല്ല വരികള്‍.

സൗഗന്ധികം said...

നന്ദി കൂട്ടുകാരാ... നന്ദി ...

ശുഭാശംസകള്‍......

എന്‍.ബി.സുരേഷ് said...

കാവ്യാതമകം

സൗഗന്ധികം said...

നന്ദി സർ..

ശുഭാശംസകൾ..

അനൂപ്‌ കോതനല്ലൂര്‍ said...

Thiruvathira ravukal marakkan pattatha ormakalanu

സൗഗന്ധികം said...

അനൂപ്, നന്ദി...

ശുഭാശംസകൾ....

SASIKUMAR said...

ചാരുതയും സുഗന്ധവുമുള്ള വരികൾ, ഇനിയുമെഴുതുക.

സൗഗന്ധികം said...

ഈ പ്രോത്സാഹന വരികൾക്കു ഹൃദയം നിറഞ്ഞ നന്ദി......

ശുഭാശംസകൾ......

Gireesh KS said...

പ്രിയപ്പെട്ട സുഹൃത്തെ,
ഈണവും താളവും ഭംഗിയുള്ള വരികളും
തിരുവാതിരപാട്ട് പോലെ മനോഹരമായ കവിത
ആശംസകള്‍ !
സ്നേഹത്തോടെ,
ഗിരീഷ്‌

സൗഗന്ധികം said...

പ്രിയപ്പെട്ട ഗിരീഷ്,

ഈ സ്നേഹ മസൃണമായ വാക്കുകൾക്കു
ഒരുപാടു നന്ദി..നന്ദി..

ശുഭാശംസകൾ.....

Dr Premkumaran Nair Malankot said...

തിരുവാതിരപ്പാട്ടിന്റെതന്നെ ഈണത്തില്‍ പാടി നോക്കി. ഈണം ഇടയ്ക്കു മാറ്റി, കുമ്മിയടിയൊക്കെ ചേര്‍ത്തുകൊണ്ട്. ഇടയ്ക്കു അവിടെയും ഇവിടെയും ചെറുതായി ഒന്ന് rhythm/tempo ശരിയാക്കി എടുത്താല്‍ ഗംഭീരമാവുമെന്നു തോന്നി. അഭിനന്ദനങ്ങള്‍. ആശംസകള്‍.
http://drpmalankot0.blogspot.com
http://drpmalankot2000.blogspot.com

Sougandhikam said...

നന്മയുടേയും, പഴമയുടെയും ഈ അന്തരീക്ഷവും, ദൃശ്യങ്ങളും, ഓര്‍മ്മകള്‍ പോലും അങ്ങേയറ്റം സന്തോഷവും, സമാധാനവും നല്‍കുന്നു . അങ്ങെയുടെ പല രചനകളും അങ്ങനെയുള്ളതാണെന്ന് എനിക്കും തോന്നിയിട്ടുണ്ട്. ഈ വരവിനും , വാക്കുകള്‍ക്കും ഒരായിരം നന്ദി...

ശുഭാശംസകള്‍........

nabithanarayanan vadassery said...

Devi ne innu choodum pathirappoovinte punnyam"

സൗഗന്ധികം said...

നന്ദി...

ശുഭാശംസകള്...‍

Madhusudanan Pv said...


ഈ മനോഹരമായ വരികൾ പാടിക്കൊണ്ടുള്ള ഒരു തിരുവാതിരക്കളി എന്റെ കണ്മുന്നിൽ ഞാൻ കാണുന്നു. നന്നായെഴുതി. ആശംസകൾ

സൗഗന്ധികം said...

നമ്ര ശിരസ്കം, നന്ദി..നന്ദി...നന്ദി...

ശുഭാശംസകള്‍

അമ്പിളി. said...

മനോഹരം .. പാതിരപ്പൂവിന്റെ മണവും ചേലും ഉള്ള വരികള്‍

സൗഗന്ധികം said...

നന്ദി.. ഈ നല്ല വാക്കുകൾക്ക്

ശുഭാശംസകൾ....